TUGUEGARAO CITY-Nakikipag-ugnayan na ang PNP Tuguegarao City sa Cauayan PNP upang ipaalam ang pagkakapatay sa isa umanong drug pusher kaninang madaling araw sa Brngy.Annmafunan East na mula sa nasabing lugar.
Sinabi ni Police Lt.Col.George Cablarda,hepe ng PNP Tuguegarao,ikinasa nila ang buy bust operation matapos na makatanggap ng impormasyon na nagtutulak ng droga si Juda Madriaga.
Ayon kay Cablarda,habang kasalukuyan ang transaksion ay nakatunog umano ang suspek na mga pulis ang kanyang kausap kaya siya bumunot umano ng baril sa kanyang bag at nagpaputok.
Gumanti ang mga pulis at tinamaan ng dalawang beses sa kanyang katawan ang suspek na dahilan ng kanyang pagkamatay.
Sinabi pa ni Cablarda na aalamin din nila kung isa ang suspek sa mga sangkot din sa mga pagnanakaw,pagnanakaw ng mga motor, akyat bahay at iba dahil dati na nilang nahuli umano ang mga kasamahan nito.
Sa ngayon ay nasa isang punerarya sa Tuguegarao ang bangkay ng suspek.
