Nagsagawa ang Department Trade and Industry- Apayao (DTI) ng dalawang araw na training workshop sa Loom Woven Textile Product Development para sa labindalawang micro, small, at medium enterprises ( MSMEs).
Kabilang sa mga MSME na ito ang mga dressmaker at tailors na nagmumula sa iba’t ibang munisipalidad at aktibong lumahok sa nasabing workshop na ginanap sa DTI Compound.
Sa pagsasanay, ipinakita ng mga kalahok ang kanilang kasabikan na malaman kung ano ang bago sa fashion at disenyo, at hindi naging hadlang sa masamang panahon na nararanasan dahil sa Bagyong Julian.
Bukod dito ay nagbigay rin ng kanyang kaalaman si Julienne Paran, isang consultant at isang fashion designer, sa pamamagitan ng pagbibigay ng mga lectures sa pagdidisenyo ng fashion, pagkilala sa hugis ng katawan, ilustrasyon, paglalaan at pagpapahalaga sa kultura, mga diskarte sa draping, at pagpili ng kulay.
Bukod dito, tinulungan ni Paran ang MSMEs sa pagsasapinal ng kani-kanilang mga ilustrasyon ng disenyo sa pamamagitan ng one-on-one na konsultasyon
Nagpasalamat naman ang mga naging kalahok sa DTI Apayao sa pagsasagawa ng nasabing aktibidad, na kinikilala ang potensyal nito sa pagpapahusay ng kanilang mga kasanayan at kaalaman.
