TUGUEGARAO CITY-Dead-on-arrival y duwa nga tolay kavulu na y tadday nga menor-de-edad ta kabalin nga maaksidente ta ili na Solana, Cagayan.
Kinagi ni Police Officer 2 Ronie Canapi, imbestigador na kaso, nawawanan kanu ta kontrol ta manebela y natay nga menor de edad nga si Mark Ejay Tage habang makkaltay ta dalan na
brgy Natappian takay na y motorsiklo kavulu na y duwa nga neduwa na nga parehu nga menor de edad.
Megafu taw nadompar ni Tage y makkaltay nga lolo nga si Saturnino Nicolas nga gafu nga natomba y motorsiklo yatun ta nabigaran y appa nga tolay.
Insigida gapa nga nekkarela y appa ngamme megafu ta biag da ay natay ta dalan da Tage anna Nicolas liye nga makakadde ta ospital.
Mappamapiya gapa ta ospital y angkas ni Tage nga ira da Mark Joseph Tosina, 18-anyos anna Vincent Maribbay nga parehu nga residente na brgy Bangag, Solana.
