TUGUEGARAO CITY-Nagafu ta entrapment operation y duwa nga lalaki ta kabalin nga usan da y PNP logo anna uniporme na militar ta pas-solicit da ta kuwartu ta tadday nga salon ta Tuguegarao City.
Kinagi ni Police Senior Supt.Warren Gaspar Tolito,Director na Cagayan Police Provincial Office o CPPO, nangiangay ta tura da Nestor Mina na Solana anna Eduardo Caranguian na
Tuguegarao nga igga PNP logo anna nakasinnun da ta upper army camouflage uniform ta tadday nga salon anna makkiddaw ira ta kuwartu.
Megafu ta duda y makakwa ta salon ay ari na ira iniddinnan anna pinatoli da ira ta kinaummanan na.
Insigida gapa nga nepakammu na negosyante ta PNPy nakagi nga insidente yatun ta insigida nga nangwa ta aksyon yatun ta nagafu y duwa.
Sangaw y duwa ay makasowan ta estafa,iligal use of uniform anna iligal use of PNP logo.
