TUGUEGARAO CITY-Na-trauma kanu y duwa nga maginganay nga dinukot anna minolestiya ta piga nga aggaw na lima nga lallaki ta ili na Gattaran,Cagayan.
Kinagi ni Police Chief Inspector Rodel Tabulug,hepe na PNP Gattaran nga mazzizzintalaw y duwa nga biktima nga 14 anna 15 anyos.
Ta istorya na duwa,makadaldalan ira ta kalsada nga mallabbe ta balay da ta Brngy.Lapogan turi arutan ira na suspek nga mattakay ta kulay green nga van anna ituluk ira ta balay da turi
November 18,2017.
Nattakay kanu gapa y duwa ngamme turi paran da tari ay ari da nagimmang.
Taw da ngana nga nawwang anna nakakaturuk.
Turi nalukak ira ay igga da ba ta balay nga ari da ammu y lugar na nu anni ay naminpiga ira nga molestiyan na suspek ira.
Gabi turi December 2,2017 turi mabiyahe ira anna nekadda ira ta barangay da anna tinantalaw ira nga patayan da ira nu magidanuk ira ta otoridad.
Sangaw ay imbestigan ngana yaw na otoridad.
