TUGUEGARAO CITY- Adde sangaw ay ari paga nga makilala y motornapper nga nakippalattuk ta pulis ira ta Solana,Cagayan kagabi.
Kinagi ni Police Senior Inspector Renz Marion Baloran,hepe na PNP Solana nga ari magergo y nagafu da ta lima nga suspek nga si Richard Palangya na Pinukpuk,Kalinga.
Kinagi ni Baloran,ari na aminan nga tadday iyya ta suspek ngamme kinilala iyya na biktima.
Megafu taw ay kinagi ni Baloran nga bantayan da y punerarya nga nangiangyanan da ta baggi na duwa nga natay tapenu mamwan da y familya na nga umay manga nira.
Kinagi paga ni Baloran,insigida da nga nakiergo ta police outposts anna ta army detachment ta Brngy. Palao.
Taw nga nakkul nira y army detachment anna kinagi da nga igga lima nga lalaki nga nakatakay ta motorsiklo nga malelevu ta checkpoint da.
Ninay y pulis ta lugar anna turi masita y suspek ay insigida nga nappaputuk nira y pulis yatun ta gumanti gapa y pulis ira.
Dead on the spot y duwa,nakatakas y duwa anna nagafu y tadday paga.
Nala ta nakakwan na insidente y duwa nga pistola y duwa nga motorsiklo nga kinoko da.
