TUGUEGARAO CITY- Ekspektan ni Atty. Egon Cayosa Executive Vice President na Integrated Bar of the Philippines anna tadday nga human rights lawyer nga iddan na senado y dapat nga budget na Commission on Human Rights (CHR) ta kabalin nga iddan na kamara ta P1,000 pondo y ahensiya.
Kinagi ni Cayosa, alle nilaffu na kamara y CHR megafu ta kittu nga budget.
Manguruk y abogado nga nedennan ta budget na kamara y CHR nga alle abbali da ta pakkondena na ahensiya ta war on drugs na Duterte administration.
Ngamme kuwan laman na ahensiya y trabahu da anna ari awuya nga magimammo da laman ngana ta pangabuso ta karapatang pantao.
Fera taw nenawak ni Cayosa nga ari ngana nga sakup na CHR y napatay nga miembro na kapulisan ta iningwa nga operasyon nu anni tammi ngana yaw na Department of Justice (DOJ)
