TUGUEGARAO CITY-Nakkiddaw ta pabor y grupo na electric cooperative kanni Presidente Rodrigo Duterte nga laffutan na y distribution utilities o DU ta Tax Reform for Acceleration and
Inclusion o TRAIN law.
Yaw ay megafu ta tadday y coal ta mamungan y tax na tra bagu nga tax system.
Kinagi ni Engr. Tito Lingan, general manager na Cagayan Electric Cooperative 1,kakarwan ta pangapan na kooperatiba na supplay na kuryente ay mangusa ta coal.
Nenawak na nga nu matuluy yaw y planta na kuryente ta electric cooperative ay mamungan y byenes na a posible nga umatannang y mapagan ta konsumo na kuryente.
Kinagi ni Lingan,nattura y electric cooperatives ira kanni Duterte tapenu ipadde da y apela da anna taronan da laman ngana nu anni y tambak taw na presidente.
Siniguru gapa na opisyal nga ipubliko da nu iggaman epekto na TRAIN law ta CAGELCO 1.
