TUGUEGRAO CITY – Gunugunay nga kadaggaw nga pattakayan na narakay nga kararwa y karwan nga estudyante na Enrile Vocational High School ta Barangay Maddarulug, Enrile, Cagayan.
Namwan nga igga ta 50 estudaynte y nasaniban kanu namegafu turi Enero 2017 nu anni y mafulu taw ay naporyan nga nasaniban kagabi.
Kinagi ta Bombo Radyo na tadday nga mestra nga gavva laman kanu nga makkadjakadjaw y estudyante anna nasikisikan y baggi da.
Fera taw mattanakwan gapa ngana y boses na estudyante ira nga masaniban anna kanayun da nga kajan nga ngatta zinaral da y balay da.
Megafu taw manguruk da nga y natamppat nga kayu ta skwela y gafu na insidente.
Naduma duma nga religious sector gapa ngana y ninay ta skwela tapenu papanawan y narakay nga kararwa.
Igga gapa ritwal nga iningwa dan ngamme ari laman manaw y kararwa ira.
Maski mattalaw y estudyante ira anna y mestra ira ay tuluy laman y klase da.
