TUGUEGARAO CITY – Nakkiddaw ta uffun y magana na 14-anyos nga lalaki kanni Presidente Rodrigo Duterte nga maturu tangavulan ngana nga nawawan.
Naporyan nga nasita si Julius Sacobo turi Agosto 10 nga kavulu na napatay nga drug suspect nga si Vilmer Corpuz ta kabalin nga makillaban ta otoridad ta buy-bust operation ta brgy Naddungan,Gattaran,Cagayan.
Kinagi na yema na bagitolay nga si Jocilor Sacobo , mavvulu y ana na anna y napatay ta buy bust operation turi Aug. 10 turi umay da nga matuki ta pagatu na kooperatiba nga tammi na familya Corpuz.
Manguruk gapa y yena ni Julius nga si Liza Sacobo nga natolay paga y ana da megafu ta navvuka paga y ana na ta facebook na turi nabalin nga liggu.
Namwan nga igga birthmark si juluis ta karalong na nga kaparehas ta narekober ta Nueva Ecija nga olu nga kinagi da nga si Reynaldo de Guzman ngamme ganuri laman ay nannegatibo yaw ta DNA test nga iningwa na kapulisan.
Si julius ay burido ta appa nga mawwaragi anna tadday laman yaw nga lalaki.
