TUGUEGARAO CITY-Ekspektan na familya na nawawan nga national nga crew nga nallammak nga barko ta Santa Ana,Cagayan turi vulan na Oktubre nga natolay paga y ana da.
Yaw ay maski igga nepadala na Philippine Coast Guard ta India nga tulang na tolay nga igga paga lifejacket nga nasita ta isla na Calayan turi Nobyembre nga pangurugan nga naggafu ta takay nga MV Emerald.
Ngamme ta mabalin na vulan nga mamwan y resulta na DNA test ta nakagi nga tulang.
Megafu taw ay ninay ta Bombo Radyo Tuguegarao si Pooja Ashish Ranjan, wagi na nawawan nga crew nga si 2nd Officer Rahul Kumar y apela da ta otoridad.
Kinagi paga ni Poojah nga nakaprepara da nga mangiddan ta reward nu sinni man y makatuldu nu sitaw y wagi na.
Mappange nakwan y barko ta Indonesia nga naggafu ta China nga igga nadyan na nga nickel ore.
16 y survivor ta nakagi nga insidente.
