Familya,luminakak ta benta liye nga matavvunan ta davvun y balay da ta Cagayan

TUGUEGARAO CITY- Mappabalo y tadday nga familya megafu ta nearayyu ira ta disgrasya megafu ta natavvunan na davvun y balay da ta sitio Dalupang,San Vincente,Santa Ana,Cagayan.

Kinagi ni Rolly Battad nga insigida na nga inakka y duwa nga ana na anna nilukak na y atawa na turi matappokan y balay da ta dakal nga batu turi albasu.

Kinagi na nga luminakak ira ta benta nu anni kinaummanan na ay ari da na nasita y balay da megafu ta natavvunan ngana y balay da na davvun anna fuyo.

Fera ta balay da ay natavvunan gapa y duwa nga motor da.

Kinagi na nga kinurak ira ni konsehal Jojo Fabro.