Nagbigay ng kakaibang Father’s Day tribute si First Lady Liza Araneta-Marcos para kay Pangulong Ferdinand Marcos Jr. sa pamamagitan ng isang simbolikong “Executive Order” na ibinahagi niya sa social media.
Sa nasabing mensahe, inatasan ng First Lady ang Pangulo na magpahinga sa Araw ng mga Ama at umiwas muna sa mga nakaka-stress na pulong at pagpupulong.
Ayon kay Liza Marcos, nararapat lamang na magkaroon ng panahon ang Pangulo para makasama ang pamilya bilang pagkilala sa kanyang papel bilang ama at pinuno ng bansa.
Nakasaad din sa kanyang mensahe na dapat magkaroon ng oras para sa pamilya at pasasalamat sa espesyal na okasyong ito, habang hindi rin dapat mawala ang panghimagas bilang bahagi ng pagdiriwang.
Nilagdaan ang naturang “executive order” nina First Lady Liza Marcos at ng kanilang mga anak na sina Sandro, Simon, at Vincent bilang pagpapakita ng kanilang pagmamahal at pagpapahalaga sa Pangulo ngayong Father’s Day.
