Flagman natay ta kabalin nga tarappalan na pison ta Isabela

Tuguegarao City-Natay y tadday nga flagman ta kabalin nga tarappalan na pison ta ili na Quezon Isabela.

Y biktima ay si Ernesto Lial anna residente na Minagbag ta nakagi nga ili anna y driver na pison ay si Romel Natividad nga residente na Maraburab Alcala, Cagayan.

Base ta otoridad maddaggun si Lial ta trabahu na tadday nga flagman ta maddaggunan da nga trabahuan nga kalsada ta ili na Quezon nu anni ay ari na nga napansin y pison ta likuk na.

Pinurban na biktima y pison ngamme ari na nga naiwasan megafu ta naduri ngana iya.

Insigida nga neangay y biktima ta ospital ngamme dead on arrival yaw na nagasikaso nga doktor.