Tuguegarao City-Kinagi ni Fr. Ranhiliio Aquino , dean na San Beda Graduate School of Law anna Vice President for Administrative and Finance Services na Cagayan State University (CSU) nga ari kawalipikado si Janet Lim Napoles nga manadak nga state witness.
Kinagi yaw ni Fr. Aquino ta kabalin nga kajan yaw na Office of the Ombudsman nga sanggan da y anniman nga hakbang nga kuwan da nga state witness y pork barrel scam queen.
Kunatunman ay nu ikaya na Department of Justice (DOJ) nga mangiyune ta kaso ta korte kontra ta karwan ira nga personalidad nga dawit ta PDAF anna manadak nga State Witness si Napoles ay awuya na laman, basta y neune da nga kaso ay ari y kaso ira nga na neune ta Office of the Ombudsman.
Nenawak gapa ni Father Aquino nga nu ikaya na korte nga maging state witness si Napoles, ay malusotan na yaw kanu y tumunuk nga kaso na nga posible nga arubangan na ngamme tuluy laman y kaso na ira nga napolu nga neune ta korte.
