Sinabi ni Senate President Win Gatchalian nitong Huwebes na mahalaga ang magiging testimonya ni Colonel Raymund Dante Lachica sa impeachment trial ni Vice President Sara Duterte, at maaaring ikonsidera ng Senado na obligahin siyang humarap sa impeachment court.
Ayon kay Gatchalian, batay sa testimonya ng dating Office of the Vice President (OVP) special disbursing officer na si Gina Acosta at OVP Assistant Secretary at Assistant Chief of Staff Lemuel Ortonio, humantong kay Lachica ang money trail na tinatalakay sa paglilitis.
Personal umano niyang nakikita bilang senator-judge na mahalagang marinig ang panig ni Lachica.
Sinabi ni Gatchalian na kailangan umanong humarap si Lachica sa impeachment court kapag dumating ang tamang panahon at maaaring pagdesisyunan ng korte kung kailangan siyang piliting dumalo.
