Nasungkit ni Coco Gauff ang kanyang ikalawang women’s Cincinnati Open title matapos talunin ang kapwa Amerikanang si Jessica Pegula sa iskor na 6-2, 6-4 nitong Linggo.
Ang naturang laban ang kauna-unahang all-American women’s final sa naturang torneo sa loob ng 56 na taon, mula noong magtuos sina Rosie Casals at Nancy Richey noong 1970.
Nagpakitang-gilas agad si Gauff sa unang set nang magtala ng dominanteng 5-0 kalamangan bago ito tuluyang isara sa 6-2.
Bagama’t sinubukan pang humabol ni Pegula sa ikalawang set at idinikit ang talaan sa 5-4, matatag pa ring tinapos ni Gauff ang laban gamit ang kanyang limang break points.
Dahil sa tagumpay na ito, tabla na ang kanilang head-to-head series sa 5-5.
Magandang preparasyon ang panalong ito para kay Gauff bago ang US Open, lalo’t matatandaang nagkampeon din siya sa nasabing Grand Slam noong huling beses siyang manalo sa Cincinnati.
