TUGUEGARAO CITY-Tinulungan ng mga miembro ng Bureau Of Fire Protection (BFP)-Lasam ang isang agta na nanganak sa gilid ng kalsada sa bayan ng Lasam.
Ayon kay Fire officer 1 Dustin Bosi ng BFP-Lasam, isang concerned citizen ang tumawag sa kanilang opisina at ipinagbigay alam ang panganganak ng isang agta na si Perla Danao sa gilid ng kalsada sa Barangay Centro 2 .
Aniya, pauwi na si Danao kasama ang kanyang mga magulang sa kanilang tahanan mula sa palengke ng biglang sumakit ang kanyang tiyan at tuluyang nanganak sa may waiting shed.
Sinabi ni Bosi na nakalabas na ang malusog na babaeng sanggol ng sila ay dumating lugar.
Agad naman tinulungan ng mga miembro ng BFP at dinala sa Lasam district Hospital.
Nabatid na hindi alam ng ina na ang araw na iyon ay ang araw ng kanyang pangangak.
Sa ngayon, sinabi ni Bosi na nasa mabuti nang kalagayan ang mag-ina habang inoobserbahan pa rin sa pagumatan.
