Target ng Tuguegarao City na sungkitin ang Guinness Book of World Records sa pinakaramaraming nagsayaw na may hawak na sulo o torch sa 2020 Afi festival.
Ayon kay Mayor Jefferson Soriano, nais niyang malampasan ng siyudad ang kasalukuyang record ng Indonesia sa pinakamaraming sumayaw na may hawak na torch na tinatayang nasa 3,777 na katao.
Dahil dito, sinabi ni Soriano na naghahanda na ang lungsod sa online application para sa planong masungkit ang record at sisikapin ang 4,200 na mananayaw sa nasabing pagtatanghal.
Umaasa ang alkalde na sa oras na makapasok sa Guinness Book of World Records ang Tuguegarao City ay makikilala ito sa buong mundo.
