TUGUEGARAO CITY-Dead-on the spot y tadday nga high value target na pulisya ta ili na Gonzaga ta kabalin nga domparan na motorsiklo na y tadday nga poste turi ikabeya na ycheckpoint na otoridad.
Kinagi ni Provincial Director Police Senior Supt. Warren Gaspar Tolito na Cagayan Police Provincial Office(CPPO)nappaputuk y suspek nga si Lui Tolentino ta Brgy Centro habang nakatakay ta motorsiklo kavulu na y neduwa na.
Megafu taw insigida nga nacheckpoint y kapulisan ira tapenu magafu y suspek.
Ngamme turi masita ni Tolentino y kapulisan, gavva kanu nga nekabeya na y dalan nga pinakarela na y motorsiklo na tapenu makaarayyu iyya ta lugar.
Insigida gapa nga danaddak na kapulisan y suspek nu anni ay alistu y appakarela na suspek yan ta ari napansin y poste nga gafu nga nadompar na yaw.
Megafu ta biyag ni Tolentino,insigida nga natay habang maddaggun nga maurwan y neduwa na ta kabalin nga mabigaran gapa yaw.
Si Tolentino ay miyembro na tadday nga ari paga mamwan nga grupo nga mangilakku ta illigal na droga ta ili na Gonzaga.
