Dumating na kahapon sa The Hague, Netherlands ang bunsong anak na si Veronica, at common law partner na si Cieleto “Honeylet” Avanceña ni dating pangulong Rodrigo Duterte para bisitahin siya habang nasa kustodiya ng International Criminal Court (ICC).
Nakita ang mag-ina sa labas ng ICC detention center sa Scheveningen, The Hague kung saan nakaditine si Duterte.
Una rito, sinabi ni Vice President Sara Duterte na nakatakdang bibisitahin ng kanyang kapatid at Avanceña ang kanyang ama bukas, March 28 sa ICC detention center.
Samantala, bibisita naman bukas o sa March 29 ang biological mother ni VP Sara at dating asawa ni Duterte na si Elizabeth Zimmerman sa ICC.
Nasa kustodiya ng ICC si Duterte matapos siyang arestohin at ipinadala sa The Hague dahil sa kasong crimes against humanity na bunsod ng war on drugs ng kanyang administrasyon.
