Tinutulan ng House prosecution panel ang iniulat na kahilingan ng Office of the Vice President (OVP) na sagutin ng Senado ang catering service para sa defense team, support staff at mga testigo ni Vice President Sara Duterte sa buong impeachment trial. Ayon kay House Deputy Speaker Janette Garin, hindi ito nararapat dahil maaaring kunin ng OVP ang gastusin mula sa sarili nitong pondo.
Batay sa liham na may petsang Hulyo 7, hiniling umano ng OVP kay Senate President Sherwin Gatchalian na aprubahan ang eksklusibong pagkain at inumin mula sa caterer ng OVP at sagutin ng Senado ang kaukulang gastos. Sinabi naman ni defense lawyer Atty. Michael Poa*na wala siyang kinalaman sa naturang liham at OVP ang dapat magpaliwanag hinggil dito.
Samantala, kinumpirma ni Senator-Judge Panfilo “Ping” Lacson ang pag-iral ng liham ngunit sinabi niyang hindi niya ito sinusuportahan dahil maaari umano itong lumabag sa Government Procurement Law. Aniya, may sarili nang caterer ang Senado at hindi maaaring gamitin ang pondo nito upang bayaran ang caterer ng ibang ahensya.
