Nagbigay ng kakaibang tanawin ang isang fashion show sa Seoul, South Korea matapos makasabay sa pagrampa ng mga human model ang mga humanoid robot na nakasuot ng magkakatugmang kasuotan.
Kabilang sa mga itinampok na disenyo ang Texan-style outfit na may cowboy hat para sa robot, silver puffer jackets, silky dresses, at futuristic-inspired na mga kasuotan.
Magkasabay na rumampa sa entablado ang bawat modelo at kanilang robot companion bilang bahagi ng high-tech fashion event na naglalayong pagsamahin ang teknolohiya at moda.
Maingat ding inayos ang mga damit upang bumagay sa estruktura ng mga humanoid robot, na lalong nagbigay-buhay sa kakaibang konsepto ng palabas.
