Hindi pa nakapagpapasya ang Iran kung magpapadala ito ng delegasyon sa Islamabad para sa planong usapang pangkapayapaan kasama ang United States, ayon sa tagapagsalita ng kanilang foreign ministry.
Samantala, sinabi ni US Donald Trump na inaasahan niyang maaaring magkaroon ng pambobomba kung hindi uusad ang negosasyon sa Iran. Iniulat din ng US media na nakatakdang bumiyahe si US Vice President JD Vance patungong Pakistan nitong Martes.
Idinagdag pa ni Trump na wala siyang planong palawigin ang ceasefire na magtatapos sa Miyerkules, na naglalagay ng mas mahigpit na palugit sa isinasagawang usapan.
Sa kabila ng nagpapatuloy na tensyon, inilarawan ng ilang Iranian ang hirap ng pang-araw-araw na pamumuhay sa gitna ng sigalot, kung saan kinakailangan nilang ituon ang pansin sa ibang bagay upang makayanan ang sitwasyon.
Samantala, iniulat ng Pentagon na sumakay ang pwersa ng US sa isang sanctioned tanker sa Indo-Pacific region nang walang insidente, bilang bahagi ng operasyon upang hadlangan ang mga iligal na network na sumusuporta sa Iran.
