Isa natay, appat ya nabiyaran tya pabbangga ya tricycle kan pader kan Peñablanca

TUGUEGARAO CITY- Daggun nga imbestigan ya PNP ya firmi nga nakwa tya pappatay ya isa nga tolay antre pagkabiyaran ya appat peba kanyo vehicular accident kan Peñablanca, Cagayan.

Nonna tyaw e natay i Jonel Visario, 27 entre nabiyaran pay ya appat peba nga kavulun na kattu mebbangga ya nattakayan da nga tricycle kan pader.

Kanyo unna nga paimbestiga ya PNP, palubbet ngin ya biktima ira nga nagafu kan picnic kan kayan kattu nadisgrasya da.

Nefultug i Visario entre nebaguk peba ya ulu na nga narresulta kan pappatay na.

Kanyo sikan ya pagkabangga da e nesina peba ya baggi ya tricycle kanyo sidecar na.

Nekahi PNP nga nakakenum da kattu naaksidente da yaw.