TUGUEGARAO CITY- Patay ang isang lalaki matapos na dumiretso sa bangin ang kanilang sinakyang kulong-kulong sa Sto.Domingo, Piat, Cagayan.
Sugatan din ang tatlong iba pa kabilang ang dalawang taong gulang.
Sinabi ni PLT.Arlene Perez, hepe ng PNP Piat na sa kanilang imbestigasyon, pauwi na ang magkakamag-anak na sina Perfecto, 61,Felicidad, Lorenzo at Renren Martin,2-anyos sa Fugu, Tuao.
-- ADVERTISEMENT --
Subalit habang binabaybay ang lansangan sa Sto. Domingo sa Piat ay may iniwasan umano ang driver na si Lorenzo na isang sasakyan hanggang sa hindi na niya nakontrol ang manebela hanggang sa dunmiretso sa bangin.
Nahulog mula sa kulong-kulong si Perfecto na dahilan ng kanyang pagkamatay.
