TUGUEGARAO CITY- Nasa ligtas ng kalagayan ang isang lalaki na tinamaan umano ng ligaw na bala matapos ang panguhuhuli ng salagubang sa Solana,Cagayan.
Sinabi ni Police Capt. Junjun Balisi,hepe ng PNP Solana, sa kanilang imbestigasyon,pumunta umano si Benjie Cabasag ng Andarayan North sa isang maisan para manghuli ng salagubang kagabi.
Makalipas ang ilang oras at walang nahuling salagubang ay nagpasiya siyang umuwi na.
Habang siya ay naglalakad ay may narinig umano siyang putok ng baril at hindi pa niya naramdaman na siya na pala ang tinamaan.
Naramdaman na lamang niya na matapos ang ilang minuto na mahapdi ang kanyang dibdib at nang hawakan nito ay duguan na siya.
Dali-dali umano siyang umuwi sa kanyang bahay at humingi ng saklolo sa kanyang pamilya.
Sinabi pa ni Balisi na inaalam pa nila kung ano uri ng baril ang tumama sa biktima.
