Isang pulis sa Cagayan, nagpositibo sa drug test

TUGUEGARAO CITY- Nasa holding unit na ng Police Regional Office 2 ang isang pulis sa Cagayan na nagpositibo sa drug test.

Kinilala ni PBGEN Angelito Casimiro, director ng PRO 2 ang pulis na si PMSGT David Guittering na nakatalaga ng Cagayan PNP.

Sinabi ni Casimiro na lumabas sa isinagawang ilang ulit na random drug tests na positibo ang pulis sa paggamit ng illegal drugs.

Dahil dito, sinabi ni Casimiro na kasalukuyan nang ipinoproseso ang administrative case laban sa nasabing pulis.

Vc casimiro feb 12

Samantala, sinabi naman ni PCOL Ariel Quilang, director ng Cagayan PNP na galing sa PRO2 si Guittering at isang linggo pa lamang siya sa CPPO.