Umakyat na sa kabuuang 41,626 ang bilang ng kaso ng COVID-19 sa rehiyon dos ayon sa Department of Health Region 2.
Sa pinakahuling datos ng DOH-02 as of May 25, 2021, may 306 katao na panibagong nagpositibo sa virus mula sa ibat-ibang probinsiya sa rehiyon.
Tumaas naman sa 37,465 ang total recoveries matapos maitala ang 354 indibdwal na panibagong gumaling.
Gayunman, walo ang panibagong nasawi may kaugnayan sa COVID-19 kung saan umakyat na sa 1,030 ang kabuuang bilang ng namatay.
Sa ngayon, nangunguna ang Lalawigan ng Isabela sa may pinakamaraming aktibong kaso sa rehiyon na umaabot sa 1,260.
Sinundan ng Cagayan na may 1,253 active cases; Nueva Vizcaya na may 437; Quirino na may 116; nasa 53 na lamang ang Santiago City habang nananatiling COVID-19 free ang lalawigan ng Batanes.
