TUGUEGARAO CITY-Mahurung si Cagayan Governor Manuel Mamba nga mepasara y appa nga ospital megafu ta adde sangaw ay ari paga napruban y annual budget na provincial government.
Kinagi ni Mamba yaw ay megafu ta mawawanan ta trabaho y 170 casual anna job orders ta nakagi nga ospital anna y karwan nga departamento megafu ta awan tu pondo para ta suweldo da.
Kinagi ni Mamba,nu ari paga apruban na provincial board y annual budget liye mabalin y Hunyo, alanganin y operasyon na ospital.
Amung ta posible nga mepasara y operasyon na ay y infirmary hospitals ta Gattaran,Santa Ana,Lallo anna Alcala.
Fera taw kinagi ni Mamba nga ari matupad y nakalinya ira nga infrastructure projects sangaw nga ragun.
Amung na yaw kinagi ni Mamba nga ari mawak nga talyanan y Local Investment Plan nga ni-remand na provincial board megafu ta aprubado yaw na Provincial Development Council
Reaksion yaw ni Mamba ta kinagi ni Vice Governor Melvin Vargas nga taronan da laman ngana nga itoli kannira y LDIP kavulu y rekomendasyon da ta pondo nga nakatura taw.
