TUGUEGARAO CITY-Nagafu ngana na otoridad y miyembro na robbery hold-up gang ta ili na Pamplona, Cagayan.
Y suspek ay ira da Joseph Cay-Ang, 35; Carlos Kitoyan, 24; Martis Gomez, 31 anna Danny Dumanew, 35.
Ngafu gapa y appa ta walu na PNP Pamplona anna 2nd maneuver platoon ta nakagi nga ili.
Naresto y suspek ta Nena’s Beach Resort ta Brgy. Nagattatan, Pamplona ta iningwa da nga hot pursuit operations na otoridad ta kabalin nga malawa da y impormasyon nga robbery hold-up ta Brgy. Casitan turi Biyernes.
Y negosyante nga biktima ay si Bernardito Manzano nu anni ay nala nissa y maturu nga P1 milyon nga alahas, nangina nga celphone anna P1Milyon nga cash.
Olu nga nereport ta Bombo Radyo nga neusa nga getaway vehicle na suspek y tadday nga Izusu Elf nga nepamaneho ta kanakan na negosyante anna nevulu ta pattakas da y ana na biktima.
Nakumfiska gapa ta nagafu nga suspek y duwa nga takay nga igga plaka na nga RBX 688 anna WFT 983 nga neusa da ta attakas da.
Y nakumfiska paga nira ay y duwa nga pakete na shabu, granada anna tallu nga cellphones.
Sangaw ay tuluy y operasyon na kapulisan ta appa paga nga myembro na grupo amung paga y lider da nga si Gener Dunag.
Si Dunag ay bayaw kanu na taddaynga police officer nga nakabase ta Cavite.
Amung na yaw ay kinajanan ni Police Chief Supt. Robert Quenery, director na PNP Region 2 y kriminal ira nga igga ta Cagayan nga ari da gulwan y imammo na Probinsya.
