TUGUEGARAO CITY-Tuloy y monitoring na Overseas Workers Welfare Administration o OWWA ta sitasyon na Filipino ta kabalin nga matuggi y Grenfell Tower, ta west London.
Kinagi ni Hans Leo Cacdac,OWWA Administrator,igga welfare assistance anan labor attache y nakabase ta London tapenu magalalay ta pinoy ira tari.
Kinagi na nga tuntunugan da y biktima nu sitaw anga ospital anna evacuation center da iyangay.
Kinagi na paga nga nawawan paga y Pinoy ira anna ekspektan na nga mataful paga ira yaw.
Ta inisyal nga rekord na OWWA,ta 12 nga pamilya nga igga ta London,pito taw y igga ta evacuation center.
Kinagi ni Cacdac,istrikto y London ta patakaran da yatun ta ari paga mamwan nu piga y biktima anna ari da paga makilala.
Ekspektan na opisyal nga awan tu nasali ta natay ira.
Sangaw ay tuloy y panga na impormasyon na OWWA tapenu mamwan da y eksakto nga bilang ns pamilya nga Pilipino nga madjan ta London.
Namwan nga y ahensya ay igga gapa welfare assistance program na unanni ay mangiddan ira ta cash assistance,disability assistance anna tanakwan nga uffun ta biktima ira na tuggi.
