TUGUEGARAO CITY – Nakurak na otoridad ira y 14-anyos nga babay nga biktima na human trafficking anna angmolestiya na tiyuhin na ta Caloocan City.
Kinagi ni Helen Donato, head na Cagayan Provincial Social Welfare and Development Office (PSWDO), neangay na suspek turi nabalin nga ragun y kanakan na ta Maynila nga ari nepakanammu ta mana na nu anni ay nepromeso da nga peskwelan da.
Ngamme kadabes nga molestiyan yaw na suspek anna tinantalaw na nga patayan na yaw nu mangidanuk.
Megafu taw ay nabussi y biktima megafu ta angmolestiya na suspek nu anni ay kape anak laman yaw turi Setyembre laman.
Namwan laman na mana na biktima ta Calayan, Cagayan y insidente ta kabalin nga idanuk na dati nga atawa na suspek y kiningwa na ta abbing.
Insigida gapa nga nedanuk na ta PSWDO-Cagayan anna ta uffun na Commision on Human Rights (CHR) anna y National Bureau of Investigation (NBI) ay nagafu y suspek anna nakurak y biktima nga igga ta state of trauma anna y ana na nga lalaki.
Kavulu ta makasowan ay y tiya na anna y duktor megafu ta angikwa na ta IUD ta pepe na biktima tapenu ari nga mabussi.
Makasowan ira yaw ta humantrafficking, rape anna violemce against women and children y suspek.
