TUGUEGARAO CITY-Kinattakattak da y tadday nga kusetyeru adde ta matay iyya megafu ta gungu da ta davvun ta ili na Baggao.
Y biktima ay si Johny Dela Cruz, 47, habang y suspek ay si Rex Valdez, 28, parehu nga residente na Brgy Agaman.
Base kanni SPO4 Zosimo Sambrano, Deputy Chief of Police ng PNP-Baggao, nellaw y biktima turi makkulle kulle iyya ta familya Valdez.
Ari paga nakontento ay binarag na y balay na suspek nga karuba da laman.
Ta kabalin yaw ay inangyanan na y karuba da paga nga tinunuk gapa na suspek nga igga tammi na nga tabas anna kinattakattak na y likuk na yaw ta mamidwa anna y ulu na biktima.
Boluntaryo gapa nga nassurender y suspek ta otoridad ira nga nakasowan ta kaso nga murder.
Ta kinagi na suspek ta pulisya, kanayun kanu nga gulwan yaw na biktima megafu ta isyu nga nattadagan na balay da.
