Lalaki ,kulong matapos mahulian ng baril sa Tuguegarao City

TUGUEGARAO CITY-Kulong ang isang lalaki matapos mahulian ng baril dito sa lungsod ng Tuguegarao.

Una rito, nakailang-ulit umanong ikinasa ng suspek na si George Palakpak ng Barangay Santa Margarita, Baggao ang kanyang calibre 45 na baril habang nasa loob ng isang videoke bar dito sa lungsod.

Agad namang nagtawag ng otoridad ang may-ari ng nasabing videoke bar na sanhi nang pagkakahuli ng suspek.

Nabatid na nasa impluwensiya ng nakalalasing na inumin ang suspek ng siya’y huliin.