TUGUEGARAO CITY- Makakenga y tadday nga Overseas Filipino Worker ta kabalin nga maloko ta scam ta facebook.
Ta istorya ni Elmer Alos,52 anyos na Lasam,Cagayan ta PNP,nakalawa iyya ta private message ta FB account na kapitta na nga si Mirriam Visaya asunto ta attrabahu na ta Canada.
Insigida nga narreply iyya anna inavutan na nu kunnasi anna y tabbag na gapa ay mangipadala iyya tu P60,000 ta tadday nga Rafael Hernandez.
Megafu ta nakkonfiyensa ta kapitta na ay nappadala y biktima ta kuwarta ta namidwa nga transaksion.
Namwan na nga naloko iyya turi namwan na nga na-hack y FB account ni Mirriam.
Innakkulan na paga y pinsan na anna kinumfirma na yaw nga na-hack kanu y FB account na wagi na.
Namwan na gapa nga nala ngana y nepadala na nga kuwartu ta Pampanga.
