TUGUEGARAO CITY – Daggun imbestigan ya PNP Tuguegarao tya pinaddukut da kan isa nga lalaki kattu kabi kan giram.
Nekahi i Police Supt. George Cablarda kan PNP Tuguegarao, nga insigida da nga nappakat kan checkpoint kanyo exit point tya Tuguegarao ngem mari da nasita ya white nga van nga nangitakay kanyo biktima nga i Manuel Perez, 59.
Nekahi i Cablarda nga base kanyo pangavut da kanne atawa ya biktima nga hinyan kanu nakagungut ya pamilya da megafu kan lusak ngem mari na ma nekkahi nu sinnu.
Nekahi pe ne anak na nga i Mel nga kumpirmadu nga ne ama na ya nadukut megafu tya natalan nga pustisu na kanne lugar nga pinangdukutan da ki iggina.
Umas-asa i Mel nga natolay peba ya ama da nga mari megitta kann e pinatay da nga kapitta na nga dinukut ya mari peba makilala nga suspeka ira kattu isa dahu.
