Lalaki nga nappakamaty nangibattang ta farewell note na ta celphone na

TUGUEGARAO CITY-Ari manguruk y lola ta kabalin nga mabbakal y afu na ta ili na Ballesteros,Cagayan.

Base kanni Gng.Tranquilin Tabino,mahurung iyya turi ari na mataronan nga mallawan y afu na nga si Mark, 20 ta kuwarto na.

Megafu taw ay binon na y karuba da nga kalantayan da y kuwarto na afu na ta kabalin nga ari da mavukatan y porta na.

Taw nga nasita da nga nakabesin y bagitolay ta yero da.

Turi vukatan da y celphone na biktima, ay nasita da y mensahe nga makiddaw ta pasensya ta lola na ta kiningwa da,mappabalo gapa yaw anna kiniddaw na nga metarak iya ta balay na lola na.

Kinagi na lola nga liye y insidente ay igga nakagi y bagitolay nga igga problema da ta ayayatan da.