Matagumpay na nahuli ng mga pulis ang isang lalaki na pumatay sa kanyang dalawang taong gulang na anak-anakan na lalaki sa bayan ng Lubao, Pampanga.
Ayon sa pulisya, nahuli ang suspek na kinilala na si alyas “Harold” habang nagtatago sa bahay ng kanyang tiyuhin sa San Roque Dau.
Sinabi ng pulisya na tinangka ng suspek na tumakas matapos ang pag-aaway nila ng kanyang asawa na nagbunsod sa pagkamatay ng bata.
Batay sa imbestigasyon, sinaktan ng suspek ang kanyang kinakasama sa loob ng kanilang bahay.
Umalis ang babae para sa kanyang kaligtasan subalit ng bumalik siya nakita niyang wala nang malay ang kanyang anak.
Sinubukan ng babae na kunin ang bata, subalit muli umano silang inatake gamit ang patalim, at hindi aksidenteng nasaksak ang bata.
Dinala ang mga biktima sa ospital, subalit idineklarang dead on arrival ang bata.
Nagsagawa ang mga pulis ng pursuit operation laban sa suspek na nahuli sa bahay ng kanyang tiyuhin.
Hinuli din ang tiyuhin dahil sa obstruction of justice matapos tinangka nitong itago ang suspek.
