Lalaki, sugatan matapos saksakin ng nakainuman sa Allacapan, Cagayan

TUGUEGARAO CITY-Nahaharap sa kasong frustrated murder ang isang magsasaka matapos saksakin ang kanyang nakainuman sa bayan ng Allacapan, Cagayan.

Batay sa imbestigasyon ng pulisya, nagkaroon umano ng hindi pagkakaunawaan ang biktima na si Eduard Aquino, 46 at ang suspek na si Renaldo Mabanag, 57-anyos kapwa residente ng Bgry. Capalitan sa nasabing bayan habang nag-iinuman na dahilan ng suntukan.

Nagkaroon naman ng pagkakataon ang suspek na kumuha ng patalim at sinaksak ang biktima sa kanyang dibdib.

Agad namang isinugud sa pagamutan ang biktima dahil sa tinamong sugat

Sa ngayon, nagpapagaling na ang biktima sa pagamutan habang nasa kustodiya na ng kapulisan suspek.