TUGUEGARAO CITY – Pinazziriga liye da nga pinatay y narekober nga baggi na tadday nga lalaki ta ili na Rizal ta probinsiya na Kalinga.
Y biktima ay si Nestor Gannaban, 31-anyos, dati nga minero anna residente ta Brgy Bannawa, Tabuk City.
Ta intrview na Bombo Radyo, kinagi ni Police Senior Inspector Bede Dakiwas, hepe na PNP-Rizal, Kalinga, narekober y baggi na yaw ta Brgy Santor-Romualdez Road ta puwente nga pitu metro y kadalam na.
Nallawan ta post mortem examination na baggi na yaw nga tinorture iyya megafu ta tallu nga dudduk ta tagang na anna tadday nga sugat ta takki na anna igga marka na galut ta karalong na nga neusada nga pinabbakkal niyya.
Suspetsa ni Dakiwas nga posible nga netabbo da laman ta lugar y baggi na lalaki anna pinatay da ta tanakwan nga lugar tapenu mappagulu ta imbestigasyon.
Sangaw ay mangwa ta follow up operation y pulisya tapenu mamwan nu sinni y suspek anna motibo ta pappatay
