TUGUEGARAO CITY- Patung patong nga kaso ya nedemanda da kan isa nga lalaki gafu tya pang-rape na kan isa nga babay kan ili ya Aparri.
Nekahi kan Bombo Radyo i PSI Mario Marragun, hepe ya PNP-Aparri nga nabbakasyon laman ya pamilya ya 12 ragun na nga biktima kan Barangay Macanaya kattu nakilala na ya duwa nga menor de edad nga babay entre ne 18 ragun na nga suspek.
Addet kan nag-shot da nga appat kanne balay ne lalaki en kannay ngin nga nirape pay ne suspek ngin ne biktima.
Naamwan peba nga OFW ya yena ne suspek entre nakakulong ne ama na yan ta iggira laman kannay nga balay.
Naddanug ne biktima yan ta alistu nagafut ne suspek nga nakaswan kan rape, child abuse entre illegal detention.
Slight illegal detention pay ya kaso ne duwa nga menor de edad nga babay kasi neffuwad da ne biktima kattu kayat na nga mapanaw ngin.
