Lalaki,natay ta kabalin nga matannak ta utun na pampasahero nga van nga overloaded

TUGUEGARAO CITY- Natay y tadday nga lalaki ta kabalin nga matannak ta utun na pampasahero nga van ta Solana,Cagayan.

Ta imbestigasyon,kinagi ni Police Senior Inspector Renz Marion Baloran,hepe na Pnp Solana nga ari nakatammi y biktima nga si Geraldo Rodriguez,56 anyos na Conner,Apayao ta kabalin nga

kinabig na driver y takay turi iovertake na tadday nga takay.

Kinagi ni Baloran nga overloaded y takay yatun ta utun na takay nattakay y biktima kavulu na karwan paga nga pasahero.

Fera taw ay mappamapiya ta ospital y tadday nga lalaki nga nakabangga gapa na pick up ta nakagi nga lugar.

Kinagi ni Baloran nga nakaparada y pick-up turi gavva nga banggan yaw na motorsiklo.

Kinagi ni Baloran,ari napansin na lalaki y pick-up anna iyya ay nellaw.