TUGUEGARAO CITY-Natay habang maddaggunan nga maurwan ta ospital y lalaki ta kabalin nga duddugan iyya na biyenan na ta ili na Santa Ana,Cagayan liye mabbagu ragun.
Kinagi ni PO3 Joel Palor ng PNP Santa Ana, ta imbestigasyon da, inaru na biyenan na nga si Joe Lucas, 50 anyos y familya na manuwang na nga si Narciso Berdadero,21 anyos para ta tadday
nga paddurummukan para ta bagu ragun.
Megafu ta aya da anna magerenum ira ay naggungu y mabbiyenan asunto ta suweldo ta talun da.
Megafu taw nallubbe y familya na manuwang na ngamme vinulun ira na biyenan na anna taw da ngana nga nallaban adde ta matomba y biktima.
Ngamme turi kuragan da ira ay parehu da nga naddaraha megafu ta igga tammi da nga ditchal.
Parehu da nga naduddug ta tagang da nu anni ay fatal y biag na manuwang na nga gafu na appatay na obserban da ta ospital y biyenan na.
