TUGUEGARAO CITY – Natay y lima nga tolay ta banggaan na duwa nga pasahero nga van ta Brgy Baculud, Amulung.
Y natay ira ay ira da Reynalda Tolentino, Marivic Battung, Hemelita Cadiz residente ira ta ili na baggao nga nakatakay ta Isuzu passenger van nga manehuwan ni Rustom Bartolome.
Dead on arrival gapa y duwa nga pasahero na Toyota Hi-Ace van nga manehuwan ni Mario Danao na Brgy. Redondo, Iguig nga ira da Erlinda Doran anna Floraida Sales nga parehu nga residente na Alcala, Cagayan.
Nabigaran y bente nga pasahero na duwa nga sasakyan pati y duwa nga driver .
Ta interview na Bombo Radyo,kinagi ni Bartolome nga napputuk y pilik na van nga mapange ta ili na baggao nga naggafu ta Tuguegarao.
Megafu taw ay ari nakontrol y manibela na driver nga natallung ta linya na nakabanggaan na nga van nga mapange ta Tuguegarao nga naggafu ta ili na Aparri.
Nappipi y biko na van nga manehuwan ni Bartolome habang nawarta y arubang na van ni Danao.
