Lima nga Indian nationals nga na-rescue ta nallammak nga cargo ship ta Cagayan, nelawa ngana ta embahada

TUGUEGARAO CITY-Nelawa ngana ta indian embassy y lima nga crew na MV Emerald Star nga nallammak ta sakup na Sta. Ana, Cagayan turi badju nga Odette.

Kinagi ni Ensign Joel Nieva, information officer na Philippine Coast Guard-Aparri, na-turned over ngana y nakurak da nga crew ta kabalin nga macheck up ira ta tadday nga ospital ta ili na Sta. Ana

Habang 11 tripulante nga kavulu da ay tammi paga kanu na barko nga nakarescue nira.

Maggoroffun gapa y Hong Kong, Japan, India anna Philippine Coast Guard ta attaful da ta mafulu paga nga nawawan nga takay na nakkaaberya nga cargo vessel.

Kinagi ni Nieva nga nakalife jacket y nawawan nga tripulante liye nga nakkaaberya y cargo ship nga kargado kanu ta Nickel Ore nga naggafu ta Indonesia nga umay ta China.

Namwan nga 26 nga crew y takay na cargo ship nga nallammak ta kayan nga sakup na Sta. Ana turi Biyernes.