AABOT sa kabuuang 765 na lindol ang naitala sa offshore Sultan Kudarat simula noong Lunes, Enero 19, ayon sa Philippine Institute of Volcanology and Seismology (PHIVOLCS) ngayong Biyernes.
Dakong alas 6:00 ng umaga, sinabi ng PHIVOLCS na sa kabuuang lindol, 30 ang naramdaman. Ang magnitude ng mga lindol ay mula 1.4 hanggang 5.2.
Sinabi ng PHIVOLCS noong Huwebes na ang serye ng maliliit na lindol sa lugar ay maaaring sanhi ng paggalaw sa kahabaan ng Cotabato Trench.
Kaugnay nito, sinabi ni PHIVOLCS chief Dr. Teresito Bacolcol na ang earthquake swarm ay malamang na sanhi ng stress na dahan-dahang inilalabas sa kahabaan ng trench.
Samantala, pinayuhan ng PHIVOLCS ang mga apektadong residente na maging alerto at handa sa mga posibleng panganib mula sa aktibidad ng seismic.
Kapag naobserbahan ang alinman sa mga ito, ay agad na lumikas papunta sa mataas na lugar o papalayo sa dagat,” dagdag pa ng PHIVOLCS.
