TUGUEGARAO CITY-Cardiac arrest y gafu na pappatay na tadday nga lolo ta tadday nga hotel ta Abulug,Cagayan.
Kinagi ni PSI Delmar Abuzo na PNP Abulug,insigida da nga ninay ta hotel turi iyadde na empleyado na hotel nga igga kliente da nga natay nga si Andres Agpoldo Sr.,78 anyos na Apayao.
Kinagi ni Abuzo nga nadangnganan da y lolo nga nakaidda anna awan ngana tu inango na nga igga paga condom ta usin na.
Ta pangivu da ay nattallung y lolo ta hotel anna tumunuk y tadday nga babay.
Ngamme ta kabalin na piga nga oras ay nallawan y babay anna turi avutan da nga nu janna y kavulu na ay kinagi na nga tumunuk laman ngana sangaw.
Turi ari ngana mataronan na receptionist nga mallawan y lolo ay inangyanan da anna tinotto da y kuwarto turi ari nga manabbag yaw.
Taw da nga nadiskubre nga natay ngana y lolo.
Kinagi ni Abuzo nga awan tu masita da nga foul play ta papatay na lolo.
Namwan paga kanni Abuzo nga ari nangikwa ta ngagan na y lolo ta logbook na hotel nu anni y address na laman nga taga Pamplona iyya ngamme ta nasita nga dokumento nga dala na ay iyya
ay taga Pudtol,Apayao.
