TUGUEGARAO CITY- Mahaharap sa kasong reckless imprudence resulting in homicide ang isang mangingisda matapos na mabangga ang isang lolo na dahilan ng kanyang pagkamatay sa Buguey, Cagayan.
Kinilala ng PNP ang biktima na si Rufino Labinay, 75, ng Brngy. San Vicente habang ang suspek ay si Rowel Pascual ng Maninga West.
Batay sa imbestigasyon ng PNP, tatawid na sana sa highway sa Brngy. Balang nang mabangga siya ng Tamaraw Fx ng suspek.
-- ADVERTISEMENT --
Hindi umano kasi napansin ng suspek ang motorsiklo ng biktima dahil sa isang sasakyan na nagbaba ng pasahero.
Nadala pa sa pagamutan ang biktima subalit makalipas ang ilang oras ay binawian din siya ng buhay.
