Magana na pulis nga taga Cagayan nga gold medalist ta International Taekwondo Competition ta US, very proud ta award na ana da

TUGUEGUEGARAO CITY- Nayaya y taga-Peñablanca,Cagayan ta kabalin nga mala y duwa nga gold medal na kababayan da nga pulis nga si PO1 Claire Santiago,25 anyos ta World Police and Fire Games ta Los Angeles,California.

Nepresenta ni i Santiago y PNP ta taekwondo category.

Very proud gapa y yema ni Santiago ta nala na ana na.

Namwan nga yaw y napolu nga messali ta international competition si Santiago.

Iyya ay neasign ta Regional Public Safety Battalion ta Bicutan.

Nabalin ta BS Criminoly si Santiago ta Tuguegarao City anna nattallung ta PNP turi 2013.